कास्की मुंग्रीमा विन कुमारी स्मृती बृहत् मेला हुँदै एकल नृत्य प्रतियोगितामा प्रथम हुनेले २०,००० पुरस्कार पाउने

२०७४, माघ १० ,नव प्रभात युवा क्लबको आयोजना, बिन कुमारी स्मृति प्रतिष्ठानको सहकार्यमा बिन कुमारी स्मृति मेलाको आयोजना हुने भएको छ । कार्यक्रम यहि मिति २०७४ साल माघ १६ गतेदेखि २० गतेसम्म मादी गाउपालिका- ९ मुग्रीमा आयोजना गर्न लागेको हो । उक्त कार्यक्रममा प्रमुख अतिथि पुर्व स्वास्थ्य मन्त्री खगराज अधिकारी , विशिष्ट अतिथ पुर्व सांसद राजकाजी तमु 'करण', विशेष अतिथि कृष्ण केसी (अध्यक्ष नेपाली कांग्रेस कास्की) , विशेष अतिथि वखान सिं तमु 'आभाष' (अध्यक्ष नेकपा माअोवादी कास्की) समान सहभागिता रहने छ । उक्त कार्यक्रममा खुल्ला मैत्रीपूर्ण फुटबल प्रतियोगिता, खुल्ला एकल नृत्य प्रतियोगिता, रास्ट्रिय कलाकारको सास्कृतिक प्रस्तुति, स्थानिय युवा क्लबको सास्कृतिक प्रस्तुति, सामुहिक रसि तान्ने प्रतियोगिता, छेलो प्रतियोगिता र भाले जुधाई प्रतियोगिता हुने आयोजकले जनाएको छ । मेला यहि मिति २०७४ साल माघ १६ गते देखि २० गते सम्म जारी रहने उक्त कार्यक्रममा खुल्ला एकल नृत्य प्रतियोगिता माघ २० गते बिहान ११ बजेदेखि सुरु हुने सास्कृतिक उप -समितिका संयोजक नियोना गुरुङले जानकारी दिनुभयो । खुल्ला एकल नृत्य प्रतियोगितामा प्रथम स्थान हासिल गर्ने प्रतियोगिलाई बीस हजार नगदराशी सहित बिन कुमारी स्मृति अवार्ड र प्रमाण-पत्रले सम्मान गरिनेछ , त्यसैगरी द्रितिय स्थान हासिल गर्ने प्रतियोगिलाई बाह्र हजार नगदराशी सहित प्रमाण-पत्रले सम्मान गरिनेछ ,त्यसैगरी तृतिय स्थान हासिल गर्ने प्रतियोगिलाई आठ हजार नगदराशी सहित प्रमाण-पत्रले सम्मान गरिने मूल आयोजक समितिका संयोजक लप्सन गुरुङले जानकारी दिनुभयो ।