रोएकी छौ कि हांसेकी छौ म संग छुटेपछी
कि मलाई भुलि बांचेकी छौ म संग छुटेपछी
निश्चल हाम्रो चोखो माया खै के भयो छुट्यो
भुल्यौ कि मनमा सांचेकी छौ म संग छुटेपछी
नछुट्टीने कसम खादै साटेको जाली रुमाल
फाल्यौ कि साथ राखेकी छौ म संग छुटेपछी
दोष कसैको थिएन भाग्य मै थिएन सायद
कि दोषी मलाई जांचेकी छौ म संग छुटेपछी
देखेको होईन लेखेको भोग्नुपर्दो रैछ जिवन
बुझ्यौ त्यो मन भांचेकी छौ म संग छुटेपछी.........!!!
